Камп фест Преспа 2026: Кампување, музика и еко-акција

На 15 и 16 август, плажата „Сончев брег“ во автокампот Крани повторно станува место за кампување, дружење, музика и заедничка грижа за природата.

Постави го шаторот, уживај во летната атмосфера покрај езерото, а следното утро разбуди се за чиста Преспа. Приклучи се на акцијата за чистење на плажата, а потоа истражи ја Преспа со електричен велосипед по патеката Крани–Претор. По активното утро, продолжуваме со музика и дружење.

Камп фест Преспа е поинакво доживување на Преспанското Езеро што ги спојува авантурата, забавата и љубовта кон природата.

ЛОКАЦИЈА: Плажа на автокамп Крани, Летен шанк „Сончев брег“

Обезбедено од организаторите:

  • Бесплатен простор за кампување;
  • Музичка и забавна програма;
  • Промотивна еко-тура со електрични велосипеди;
  • Тоалети и отворен туш;
  • Паркинг за возилата на самата локација;
  • Oпрема за акцијата за чистење;

Обврска на камперите:

  • Да понесат сопствена камп опрема; 
  • Соодветна облека и други додатоци за кампување;
  • Добро расположение и љубов кон природата.

АГЕНДА 

15.08.2025 (сабота)
  • Пристигнување на плажата и пријавување на обележан пулт од 14:00 часот; 
  • Почеток на забавата од 19.00 часот;
  • Кратко отворање на настанот и објаснување на агендата; 
  • Забавен музички дел до 24:00 часот – изведувачите ќе бидат дополнително објавени.

16.08.2025 (недела)  
  • Едукација и проекција на документарен филм од 09:00 часот;
  • Еко работна акција од 10:00 до 11:00 часот;
  • Промотивна еко велосипедна тура по патеката Крани–Претор од 11:00 часот;
  • Забава и музичка програма од 13:00 часот

ВАЖНО: Во автокампот Крани има колонијална продавница и ресторан како алтернатива за оброк или други потреби. Активностите ќе се одржуваат на летниот шанк „Сончев брег“, кадешто ќе се служат пијалоци и храна по многу пристапни цени, иако камперите можат да си понесат и сопствена храна.

За повеќе информации, контактирајте нѐ на [email protected] или преку порака на следните социјални платформи:

https://www.facebook.com/ecogerilaprespa

https://www.instagram.com/ecogerilaprespa

Камп фест Преспа 2026 го организираат Еко герила Преспа и Институтот за комуникациски студии како дел од кампањата за управување со отпад „Преспа? Разбуди се за чиста средина“, која е поддржана од Европската унија.

Поврзани објави