Трансформацијата на отпадот започнува со локална акција! Заедно водиме кон одржливи промени, подготвувајќи ја заедницата за почисто и позелено утро. Со зајакнување на меѓусекторската соработка, поголемо граѓанско учество и подигање на јавната свест промовираме одржливо управување со отпадот преку поттикнување економија со ефикасно користење на ресурсите.

Органскиот е меѓу најчестите отпади во земјоделството што завршува во полињата, реките и езерото. Но, тој е и меѓу најпотенцијалните отпади – од него може да се добие квалитетен компост што ќе ја збогати почвата и квалитетот на производите. Наместо полиња полни со отпад, Преспа може да биде водечка во производство на органско ѓубриво.

Како ни изгледа животната средина, зборува какви луѓе сме. Мора да се посветиме на повеќе едукација, кампањи и на своите дела. Да си ја зачуваме околината и да се вклучуваме во еколошки акции, но и самите да организираме еко-акции. Секој треба чистотата прво да ја практикува за себе, а со тоа ќе остави белег и…

Убавината на Преспа е ретка, треба да ја почитуваме и да не ја загадуваме. Селектирајте, не користете амбалажа за еднократна употреба, фрлајте ѓубре каде што му е местото. Ако нема канти, понесете го со вас. Делувајте едукативно врз пријателите, приклучете се на еколошка акција. Придонесот кон чиста средина е наш заеднички бенефит.

Ако на отпадот му дадете дополнителна вредност може да го претворите во добробит. Ние го преработуваме органскиот отпад и талогот од кафе до финален нов производ – компост, кој потоа го користиме за зеленилото во кафе-барот. Ако секој бизнис почне да го менаџира својот отпад, значително ќе придонесе за животната средина.

Преспа има многу места кои се доживуваат со срце и душа. Кој бил знае, кој не, треба да ја доживее. Сепак, се фрла ѓубре каде што е најблиску, а тоа е во природата. Да се освестиме и да го поправиме нашето однесување. Тргнувајќи единствено од нашите примери може да ја подобриме животната средина.

Кога отпадот завршува во езерата, реките или подземните води, тој го попречува протокот на вода, ги менува живеалиштата, ја намалува светлината во водата и директно влијае врз водниот екосистем.

Секојдневно сме сведоци на отпад фрлен покрај пат, во езеро или во шума, и додека ваквата пракса ни станува „нормална“, губиме многу повеќе од само естетиката на пејзажот. За жал, истата приказна ја носи и Преспанското Езеро – едно од најстарите и најзначајни природни богатства на Балканот – кое сè почесто се соочува со сериозни…